«Я аддаў распараджэньне арміі перадухіліць прыбыцьцё флятыліі Madleen у Газу... Антысэмітцы Грэце і яе спадарожнікам, рупарам прапаганды ХАМАС, я кажу ясна: разварочвайцеся, вы не дасягнеце Газы», — гаворыцца ў заяве міністра, апублікаванай яго офісам.
Заяву цытуе AFP.
Карабель Madleen, які ўваходзіць у міжнародную «Кааліцыю флятыліі свабоды», выйшаў з італійскага порту Катаньня на ўзьбярэжжы Сыцыліі 1 чэрвеня і ў суботу ўвайшоў у тэрытарыяльныя воды Эгіпту, гэта зусім блізка да Ізраілю і Газы.
Заяўленая мэта місіі — дастаўка гуманітарнай дапамогі насельніцтву.
Кац падкрэсьліў, што блякада Газы скіраваная на перадухіленьне паставак зброі для ХАМАС — радыкальнай палестынскай групоўкі, прызнанай у ЗША і ЭЗ тэрарыстычнай арганізацыяй.
Місію арганізавала «Кааліцыя флятыліі свабоды», якая ўжо 15 гадоў спрабуе трапіць у Газу морам, праз тэрытарыяльныя воды, якія кантралюе Ізраіль.
Грэта Тунбэрг у дзень адплыцьця карабля з Італіі, 1 чэрвеня 2025 году
Грэта Тунбэрг стала ўсясьветна вядомай пасьля эмацыйнай прамовы на кліматычным Саміце ААН у 2019 годзе. Ёй тады было ўсяго 16 гадоў.
Яна адкрыта гаворыць пра тое, што мае сындром Аспэргера (адна з формаў аўтызму), і лічыць гэтую сваю асаблівасьць «супэрсілай», якая дапамагае ёй не адступаць ад сваіх перакананьняў.
Часопіс Time у 2019-м назваў яе «чалавекам году».
ГЛЯДЗІЦЕ ТАКСАМА: Дыктатура і БелАЭС. Як улады ў Беларусі шкодзяць людзям і прыродзе праз атамную станцыю ГЛЯДЗІЦЕ ТАКСАМА: «Пэрсікі не растуць. Агуркі ападаюць. Рака атручаная». Як Кітай здабывае карысныя выкапні ў Сэрбіі і Таджыкістане