Гандлёвыя сеткі будуць плаціць 30% авансу вытворцам садавіны і гародніны за будучыя пастаўкі. На гэта можна браць крэдыты пад 3% гадавых.
Але забесьпячэньне крамаў прадукцыяй з палёў і садоў цяпер ня права, а абавязак пастаўшчыкоў. А мець гэтую прадукцыю на паліцах — абавязак крамаў.
За невыкананьне гэтых абавязкаў — адміністрацыйная адказнасьць, гаворыцца ва ўказе.
Указу папярэднічала зьнікненьне бульбы і цыбулі ў беларускіх крамах. Якое з запісаў у блогах дайшло да кабінэтаў палітыкаў. Бульбяное пытаньне нават станавілася тэмай размоў паміж Пуціным і Лукашэнкам.
10 чэрвеня Лукашэнка заявіў, што сутнасьць гісторыі была ў палітыцы.
«Калі праверыў Камітэт дзяржаўнага кантролю некаторых дзеячоў, аказваецца, у палітыцы была справа. Бульбы хапала. Але недзе прытрымалі, каб паказаць, што вось прэзыдэнт у цэнаўтварэньне ўмяшаўся, таму вось вынік». Калі КДК «з кайданкамі прыйшоў, на стол паклаў — бульба зьявілася».
ГЛЯДЗІЦЕ ТАКСАМА: Лукашэнка паабяцаў паставіць у Калінінградзкую вобласьць «няшчасную бульбу», нягледзячы на яе дэфіцыт у Беларусі