Акрамя таго, іранскія СМІ паведамляюць аб новых выбухах у Тэгеране, Тэбрызе, Куме і Ісфагане.
ВПС Ізраілю працягваюць атакаваць ракетныя пускавыя ўстаноўкі і інфраструктуру для запуску дронаў у Іране, заявіла прэс-служба ізраільскага войска.
Раней паведамлялі пра ізраільскую атаку на іранскі ядзерны аб’ект у Натанзе.
«Узроўні радыяцыі за межамі аб’екту ў Натанзе засталіся нязьменнымі. Тып радыяактыўнага забруджаньня ўнутры аб’екту, у асноўным альфа-часьцінкі, можна кантраляваць з дапамогай адпаведных ахоўных мераў», — гаворыцца ў заяве МАГАТЭ.
Ізраільская авіяцыя нанесла ўдары па Іране ў ноч на 13 чэрвеня.
ГЛЯДЗІЦЕ ТАКСАМА: Ізраіль атакаваў ядзерныя аб’екты і ракетныя базы Ірану. Загінулі генэралы і навукоўцы, зьвязаныя з праграмай узбагачэньня ўрануПрэм’ер-міністар Ізраілю Біньямін Нэтаньягу ў відэазвароце заявіў, што іранская ядзерная праграма нясе «відавочную простую пагрозу выжываньню Ізраілю».
Вярхоўны лідэр Ірану Алі Хамэнэі адрэагаваў абяцаньнем «суровага пакараньня» Ізраілю.
Прэзыдэнт ЗША Дональд Трамп заявіў, што не турбуецца з прычыны магчымага пачатку рэгіянальнай вайны на Блізкім Усходзе.
Трамп адзначыў, што сустрэча амэрыканскіх прадстаўнікоў з афіцыйнымі асобамі Ісламскай Рэспублікі ў нядзелю, 15 чэрвеня, па-ранейшаму плянуецца. «Ірану яшчэ ня позна заключыць угоду, але ня ўпэўнены, што яна адбудзецца», — заявіў Трамп.