Паводле яго, удары наносяцm па дзясятках ключавых аб’ектаў, уключаючы пускавыя ўстаноўкі балістычных ракет, вайсковыя базы і стратэгічную інфраструктуру.
«Шматгадовая выведная праца і зьвесткі апошніх месяцаў пацьвярджаюць: Тэгеран вядзе плянавую дзейнасьць, накіраваную на зьнішчэньне Ізраілю. Мы дзейнічаем рашуча — у імя нашай бясьпекі і права на існаваньне», — напісаў Гендэльман у Тэлеграме.
Пасьля гэтага іранскія СМІ паведамілі аб выбухах на паўночным захадзе краіны. У прыватнасьці, агенцтва Mehr паведаміла пра гучныя выбухі у Тэбрызе. Імаверна, ізраільская авіяцыя атакавала там нафтавы завод, а таксама вайсковую базу імя Шагіда Факуры, якая прымыкае да міжнароднага аэрапорту.
Таксама іранскія сродкі СПА адкрылі агонь у раёне Мэрагэ на поўдзень ад Тэбрызу, дзе месьціцца выведная база Корпусу вартавых ісламскай рэвалюцыі.
НПЗ і аэрапорт у Тэбрызе ўжо атакавала ізраільская авіяцыя 13 чэрвеня ў рамках апэрацыі «Народ як леў».
Агенцтва Fars паведамляе аб выбухах у Харамабадзе і Керманшагу на захадзе Ірану.
Форум